ضحكتي اللي قولتيلي حلوة
قولتلك اصبري
الضحكة اللي هضحكها بكرة
احلي ॥
بكرة دا اللي فاكرة قريب
بعيد اوي
واحتمال كمان مايجيش॥
تيجي الضحكة
ابوخ ماللي قبلها
فاغمز لروحي اضحكي النهاردة
ليجي فمرة بكرة
وتضحكي
كأنك ماضحكتيش..!

اخر ايام الثورة

احااا ايه اللي بيحصل فأم البلد .. امبارح الجيش يضربالمتظاهرين فالعباسية والنهاردةالناس تجهز اللب والفيشار وتستني تشوف محاكمة العادلي .. يطلع القضاء يقول للكاميرا هههه احا انتم فاكرين الناس دي هاتتحاكم بجد علشان تشوفوا محاكمة فالتليفزيون طب تأجيل الحكم ..ويحرق ابو ام الشعب علي الشهدا علي اللي اتصابوا وعلي اي ابن وسخة من الشعب الوسخ..هيا الناس دي بتعاملنا وحش كدا ليه .. اكيد علشان الثورة سلمية..وممكن لأنهم مش شايفين حد يملي عينهم شايفين فالتحرير ناس قايمة نايمة فالشارع ناصبين خيم وشوية خيم مكتوب عليها حزب مش عارف ايه وإئتلاف ولاد ولاد جزم الثورة وناس بتبيع لبس وعصير ودرة احا في ثورة فالدنيا بيتباع فيها درة وحاجة تانية المنصات كل منصة عليها واحد بيغني وواحد بيقول شعر شايفين منظر ناس جاية تتدلع طبعا مش كل الناس في ناس جاية محروقة علي ابنهم اللي مات واللي اتصاب بس دولضايعين وسط الهوجة الكدابة دي ..لو الناس اللي فالتحرير مشت الناس اللي بتبيع حاجات ومبوظة شكل الميدان وشالت كل النصات وخلت منصة واحدة بس للثورة توحد كلمة الثوار .تاني حاجة كل الاحزاب والإئتلافات تتخلي عن اسمها زي ايام الثورة وتبقي كتلة واحدة هدفها تحقيق اهداف اثورة كلها وتكوين مجلس للثورةمكون من شخصيات ليها اسمها هدفها مصلحة مصر مش مصلحة شخصية او منصب او رئاسة جمهورية شرط عدم ترشح ايا منهم فالانتخابات الرئاسية القادمة..علشان المجلس يلاقي حد ليه قيمته يتكلم معاه مش مجرد شباب او مضربين عن الطعام او سياسين مالهمش اي قيمة قدامه شايفهم بيجروا ورا مصلحة شخصية فطبيعي ان المجلس العسكري ماينفزش اي حاجة لأنه شايف جعجعة فاضية..دا الحل السلمي اللي لو مانفعش اعتقد ان الثورة مش هاتنجح الا بالعصيان المدني والغاء فكرة سلمية الثورة.

نصوص الوحدة .. نص "2"

في وحدتي ..

أبحث عن قائمة احلامي القديمة

حتي أواجهها بعجزي ..

وأوبخني قليلا

وأعدني بعدم تكرار..تكرار التجربة ..

في وحدتي ..

أكتب اسماء اصدقائي القدامي

علي ورقة بيضاء ..

تشبه كثيرا ذاكرتي تجاههم ..

وألقيها بعصبية وإهمال في غرفتي

عوضا عن إهمالهم المتعمد لي ..

في وحدتي ..

أتعمد كتابة اسماء صديقاتي

واحدة..واحدة

حتي لا أنسي واحدة

دون ان العنها..

وأصفعني لسوء الإختيار ..

في وحدتي فرصة ..

لأراجع نفسي قليلا ..

أتفقد عظامي ..

اضلعي ..

تكويني ..

عدد شعر رأسي ..

خلاياي ..

في وحدتي ..

راحة قصيرة من البشر

لأعي بعضي

وهدنة ..

حتي استطيع ان أقابل عدوي

مبتسما ..

في وحدتي ..

صداي..يعارض صداي

فأتلاشي

ويبقي دوني المعني وحيدا

مالا من تسبيحه بحمد ذاته

فيكفر بوحدته

مؤمنا بأن الحياة

ليست سوي الاخرين ..!

نصوص الوحدة .. نص "1"

اغلق شباك غرفتي

وباب البلكون..

حتي لا تراني جارتي العجوز

ربما تأثرت

وازداد ضغط دمها

درجة او درجتين ..

اغلق باب غرفتي بإحكام

حتي لا يدخل احدا من عائلتي

فجأة..فيصعق

من هذا الحدث الإستثنائي ..

اشغل موسيقي "الهارد روك"

بدرجة صوت تسمح بألا اسمعني ..

أطفئ نور غرفتي

فأنا اخجل ان يراني شبحي ضعيفا

وأبكي..

- احمد ..

- نعم..

- نفسك فأيه ؟؟

- مين ؟ .. انا ؟ .. !!

- اه انت ..

- نفسي اتحضن ..!

انا مؤدب والله..!!

والله انا عمري ما كنت قليل الادب..انا طول عمري بقعد ساكت مش بتكلم كتير ولا بشاكل مع اللي جمبي ولا حتي باخد سندوتشاته وكمان والله بقعد مربع ايدي وبعرف اجابة كل الاسئلة..ولا عمري شتمت حد بأمه او ابوه..وبعمل الواجب كله علشان كدا انا بطلع الأول علي المدرسة وفخمسة ابتدائي طلعت من العشرة الاوائل علي المديرية بتاعتي..انا دايما اهدي واحد فاي مكان بروح فيه وفالبيت اهدي واحد فاخواتي انا اساسا مش بحب الكلام الكتير يمكن علشان كدا مبقتش قليل الادب علشان اساسا عمري ما عرفت اتكلم زي المؤدبين وفاعدادي كنت مؤدب والله وبذاكر كتييير علشان كان معايا احمد ناصر صاحبي اللي كان جايب زيي فخمسة ابتدائي بس بصراحة كان اشطر مني علشان كدا ماجتليش فرصة اكون قليل الادب علشان ماكنتش فاضي كنت مشغول باحمد ناصر بصراحة كنت بحبه وكنت بفرح لما كان بيجيب اكتر مني علشان كان بيديني دافع اذاكر انا فاكر فيوم كانت الكهربا قاطعة وكانت ميس نوسة بتاعة العلوم مديالنا واجب كتيير واستاذ باسم بتاع الدراسات مديلنا واجب كتيير وكانوا هما الاتنين بيحبوني وانا بحب والله لحد النهاردة علشان كدا فضلت احل احل فالواجب علي الشمع لحد الشمع ماخلص وكان فاضلي شوية فالواجب رحت جيبت شوية ورق وفضلت اولع فيهم واحل الواجب لحد ماعيني وجعتني من الكتابة والدخان بتاع الورق المحروق بس خلصت ويومها حطيت راسي عالمخدة ونمت نومه حلوة بشكل يومها كان اول مرة اعرف متعة النوم بعد التعب..جيت تاني يوم الصبح فحصة العلوم ميس نوسة قالت كام واحد عمل الواجب..كنا قليلين جدا اللي رفعنا ايدينا..قالت خلاص علشان النور كان مقطوع امبارح مش هفتش عالواجب النهاردة..حظها حلو ميس نوسة اني كنت لسه مؤدب بالقوي فوقتها..وقتها كنت مؤدب والله ولا اعرف معني اي شتيمة ولا كنت بشتم حتي الواد احمد ناصر كان قعد يكلمني فالجواز والعلاقة بين الراجل ومراته فاكر يومها كنت مخضوض ويقولي يابني دا حلال وانا اقوله بجد !! ازاي يعني طب احلف والله فيحلف ويقعد يشرحلي اكتر..قولتله بس انت عرفت او اتأكدت من دا ازاي قاللي ابويا هوا اللي حكالي..ابوك حكالك ..وحكالك امتي الكلام دا قاللي وانا فرابعة ابتدائي..قولتله تعرف انا عمري ماسألت ابويا انا جيت ازاي وماهتمتش اساسا اعرف..بس انا كنت اعرف ان الحاجة دي حرام حتي لو الاتنين متجوزين..مش بقولكم كنت مؤدب والله..رحت تانية اعدادي ودي كانت مرحلة تحول كبير فحياتي..عرفت محمد عصمت ومصطفي بانجو وبطاطس وصاحب عمري احمد كمال "كيشو" ومحمد عادل فؤاد ومحمد عادل عبد الناصر وناس صيع تاني كتير دول اللي حملوا علي عاتقهم مسئولية تثقيفي صياعيا..بس برضه فضلت مؤدب والله بس اتعلمت الشقاوة وبس ودي كانت اول سنة مذاكرش فيها بصراحة كمان كان في بنت جيرانا كدا حلوة كنت ببات فالبلكونة علشان اشوفها .. جت فحصة علوم كانت ميس منال بتاعة العلوم غايبة فدخلتلنا ميس نوسة بدالها وقعدت تسأل فينا وانا ماكنتش برفع ايدي ولا حاجة لحد ماقالتلي قوم يا احمد رجب جاوب علي السؤال دا قولتلها مش عارف راحت سألتني سؤال تاني قولتلها مش عارف..راحت قالتلي علي فكرة عمر اللي بيرجع لورا بيطلع قدام تاني ابدا..يمكن الكلمة دي فضلت فاكرها لحد دلوقتي كأني لسه سامعها..وكل مرة بحاول اثبت عكسها مش بعرف اه طلعت قدام فتالتة اعدادي بس مش زي الاول ابدا بدأت افوق من الشقاوة بتاعة السنة اللي فاتت واركز شوية فمذاكرتي بس الحمد لله فضلت مؤدب والله بس ماليش ذنب فاني اني بقالي 3 سنين فالمدرسة والمدرسات لابسين ميني جيب وبلوزات مفتوحة وافضل باصص فالارض انا مراهق ومعذور برضه عمره ماشاف الحاجات دي قبل كدا فاكر كنت بلعب مع فريق الفصل فدوري المدرسة ودخل فيا جون علشان كنت ببص علي ميس عبير وهيا طالعة السلم اللي قدامي ولابسة ميني جيب ضيقة قوي..بس الحمد لله مينا ماهر دخل جون التعادل والعيال بعد الماتش نزلوا ضرب فيا وهما بيضحكوا يقولولي كان لازم تبص علي عبير وهيا طالعة السلم بس كانوا عارفين اني احسن واحد لعبت فالماتش دا وشيلت اجوان كتييير..وفاكر من حركات الشقاوة اتفصلت اسبوع انا وكل اصابي علشان كتبنا فورقة امتحان التكنولوجيا لو من مصر اتصل علي 0900 ولو من الاردن اتصل علي 5426 والحركات دي جت ميس ماجدة ولمت اسامينا كلنا وفصلتنا اسبوع كنا فرحانين وقتها علشان هانلاقي حجة نخرج بيها من المدرسة..ماهي كانت من غير سور كان قصر قديم واتعمل مدرسة فمكناش بنهرب مفيش غير انا وكام واحد كنا فاتحاد الطلبة كنا نطلع مسابقات وندوات وباقي الحاجات دي..وعلشان تعرفوا اني كنت مؤدب والله بعد ما اتفصلت باسبوع اختاروني الطالب المثالي علي مستوي المدرسة وبعدها تالت طالب مثالي علي مستوي المحافظة مش معقول اكون قليل الادب وابقي الطال المثالي دا خلصت اعدادي وانا مؤدب والله ..دخلت لثانوية عامة ومش هاحكي كتير عن الثانوية العمة لأنها مفيهاش اي حاجة غير شوية المذاكرة وحاجات مش عايز افتكرها..اتعلمت فالمدرسة دي ازاي انط السور واهرب من المدرسة..مش علشان العب بلاي ستيشن او اخرج عالكورنيش..كنت بهرب واروح عالبيت علي طول كنت بكره المدرسة دي وبكره العيال اللي فيها كلهم وبكره مدرسينها كلهم.. مانا ابويا حولني من تنسيق المدرسة الاعدادية علشان يبعدني عن صحابي علشان اعرف اركز فالدراسة بتاعتي وادخل هندسة..عدت اولي ثانوي جيت فتانية ثانويا ابويا بدأ يضغط عليا علشان المذاكرة فمبقتش اذاكر المهم جبت اخر السنة 89% يااادي النصيبة اه ممكن ادخل هندسة وممكن لأ كملت علمي رياضة فتالتة بدأ ضغت ابويا يزيد ويخنقني اكتر مفيش خروج مفيش صحاب مفيش قراية كتب تقريبا بطلت قراية بالمرة خلال المرحلة الثانوية بدأت انهار واحدة واحدة قرب الامتحانات واعصابي تتعب وضغطهم فالبيت عمال بيزيد وانا مش قادر كنت كل ما اقول لماما عايز اخرج تقولي كلام متكرر سمعته خمسين مرة لحدما جت مرة وقالتلي نفس الكلام كنا فاول شهر خمسة بعد ما جدول الامتحانات نزل رحت لقيتني مرة واحدة قعدت اضحك بهستيريا جامدة تقولي مالك وانا بضحك ومش مبطل ضحك راحت اتصلت ببابا قالتله تعالي شوف احمد عمال بيضخك ومش ساكت مرة واحد هديت وسكت قالتلي مالك فتحت فالعياط بهستيريا جامدة وعمال بعيط ومش ساكت لحد ماجه بابا بيقولي مالك انا شوفته من هنا واتنفزت بطريقة اول مرة اتنرفزها فحياتي زعقت فيه اوووووووووووووووعييييييييييييييييييييييييييي من وشييييييييييييييييي زقيته علشان اخرج من البيت لقيتني وانا فحالتي دي بجري علي جوه بدل برة دخل ورايا اوضة النوم ولسه هيمسكني فلت من ايده وزقيته وقع علي السرير وخرجت اجري عالشارع فضلت اجري فالشارع ماكنتش عارف هاروح فين ولا هاعمل ايه جري ورايا واحد من الشارع ولقيت ناس تاني جاية معاه جابوني البيت وقعدوا يتكلموا معايا كانوا فاكريني اخدت برشام ولا ضربتلي اي حاجة قولتلهم لا وكنت بكلمهم بقرف وتناكة ودي كانت اول مرة اعترض بجد واصر علي حاجة من غير مايهمني اي حد..قسمت السنة علشان كنت خايف مجموعي مايدخلنيش هندسة..قولت مش مهم اخسر سنة علشان اضمن باقي السنين..والحمد لله اني خسرت سنة..لانيها فالسنة دي عرفت مين الصاحب بجد ومين اللي كدا وكدا مين صاحبي اللي كنا 6 سنين مع بعض فكل حاجة ولما دخل صيدلة باعني علشان اقل منه عرفت ازاي تكون لوحدك تماما محدش مهتم بيك ولا كأنك موجود بعد ماكنت مصاحب ناس كتيير مافضلش منهم غير احمد كمال "كيشو" الوحيد اللي مابعش وهالة صاحبتي اللي غصب عنها فنص السكة باعت مضطرة وابويا وامي..فضلت متسند عليهم وعلي شوية الحبوب بتاعة الأكتئاب والذاكرة اللي كتبهالي دكتور الامراض النفسية..لحد مادخلت هندسة..وانا والله مؤدب خاااالص...كفاية كدا علشان عندي امتحان Heat بكرة ..ان شاء الله هارجع اكمل واقول ليه بقيت قليل الاب :)

- بتحبيني ؟

- مش عارفة !

- ايه.. مش عارفة !!

ازاي يعني مش عارفة ؟؟

- اه انا حاسة بحاجات حلوة ناحيتك

بس مش عارفة اذا كان هوا دا الحب اللي بجد ولا مجرد

مشاعر حلوة حسيتها معاك علشان اول مرة اقرب حد ليا قوي كدا

ويقولي كلام حلو..

الحب مش كلام بس احنا بقالنا اكتر من 6 شهور مع بعض

ماعملتليش اي حاجة كبيرة تحسسني انك فعلا بتحبني غير الكلام

- حاجة كبيرة ازاي ..يعني لو رميتلك نفسي مالبلكونة هتحبيني

- هههههههه اه

...........................

خرجت الكلمة منها راح جاري عالبلكونة ورمي نفسه..كان فاكر انه هيتخدش

او حتي بالكتير رجليه تنكسر..

صرخت وجريت عالسلم..لقيته مرمي بينزف عالارض والناس ملمومة

خدته فحضنها ودموعها نازلة علي خدها وعليه قالتله..

..........................

- حبيبي ..حرام عليك ليه عملت كدا ؟؟

- حبيبك !!!

لما انتي بتحبيني..قولتلي ليه مش عارفة..

ــــــــــــــــــــــــــــــ

بكت..

ومات...

وبكت.....

ومحبتش تاني...